Gjendet në thes të bërllokut kufoma e plakës 85 vjeçe

Mediet shkruajnë për një dramë familjare ku mund të jenë implikuar dy vajzat e gruas të cilat jetojnë në Kantonin Vaud. Por policia ende nuk ka dalë me ndonjë koment rreth kësaj

Në fshatin Haute-Nendaz të Kantonit Valis, policia ka gjetur të dielën në një thes të hedhur në një konteiner mbeturinash  trupin e një gruaje të vdekur. Kufomën e ka zbuluar një person i tretë rreth orës 16 të pasdites së djeshme, i cili ka njoftuar policinë, shkruan 20minuten.ch.

Merret vesh se bëhet fjalë për një plakë 85 vjeçare

Vendi ku është gjetur kufoma është siguruar dhe bllokuar, ka njoftuar të hënën Policia Kantonale e Valisit, transmeton albinfo.ch. Rrethanat e vdekjes janë ende të paqarta ndërsa viktima nuk është identifikuar akoma nga ana formale.

Gazeta “Le Matin” flet për një dramë familjare ku mund të jenë implikuar dy vajzat e gruas të cilat jetojnë në Kantonin Vaud. Por policia ende nuk ka dalë me ndonjë koment rreth kësaj.