ASHAK bëhet anëtare e UAN-së

Certifikata e anëtarësisë iu dorëzua akademikut Muhamedin Kullashi, në ditën e dytë të Asamblesë së Përgjithshme të Unionit të Akademisë Ndërkombëtare

Akademia e Shkencave dhe e Arteve të Kosovës prej sot është anëtare me të drejta të plota në Unionin e Akademisë Ndërkombëtare. Certifikata e anëtarësisë iu dorëzua akademikut Muhamedin Kullashi, në ditën e dytë të Asamblesë së Përgjithshme të Unionit të Akademisë Ndërkombëtare, që po zhvillohet në Tokio të Japonisë. Përveç tri akademive propozuese, Francës, Austrisë dhe Shqipërisë, mbështetje me shkrim kishin dorëzuar edhe Akademia e Maqedonisë dhe Akademia e Polonisë.