Dollari shënon rënie, frangu forcohet kundrejt euros

Dollari ka shënuar rënien më të ulët në tre vjetët e fundit, ndërsa disa nga monedhat janë rritur.

Kjo ndodh pasi sekretari amerikan i Thesarit, Steve Munuchin, i tha Forumit Ekonomik Botëror në Davos se “një dollar më i dobët është më i mirë për tregun”, shkruan albinfo.ch.

Indeksi i dollarit amerikan, i matur kundrejt shportës së gjashtë monedhave botërore, ra sot me 0.5 për qind dhe kaloi kufirin prej 90 pikësh, duke zbritur në 89.66. Ky është niveli më i ulët që nga dhjetori 2014.

Euroja ishte tregtuar me 1.23 dollarë, më e larta në tre vjetët e fundit.

Kundrejt frangut zviceran, dollari amerikan ka rënë nën 0.95 franga, duke arritur në 0.9427, nivelin më të ulët që nga shtatori 2017.
Euro ishte dobësuar kundrejt frangut zviceran, ndërkohë duke e regjistruar vlerën 1.1712 franga në fillim të pasdites së djeshme, nganjëherë çmimi kishte rënë nën 1.16.

Jeni japonez dhe poundi britanik u forcuan kundrejt dollarit.