Zaev: Do të hyjmë me krenari në portat e Evropës

Zaev ka thënë se konsolidimi i Evropës do të jetë i plotë kur BE të pranojë vendet e Ballkanit Perëndimor

Kryeministri maqedonas Zoran Zaev e vlerëson si historik vendimin e BE-së për negociatat e pranimit. Zaev ka thënë për DW se konsolidimi i Evropës do të jetë i plotë kur BE të pranojë vendet e Ballkanit Perëndimor.

“Nuk ka përshkrim tjetër për këtë vendim, por fakti është historik. Ne kemi marrë një datë për negociatat: qershorin 2019. Deri atëherë, së bashku me miqtë dhe partnerët tanë nga Komisioni Evropian, ne do të punojmë për përmbushjen e kritereve, ose me fjalë të tjera, zbatimin e fazave në Marrëveshjen me Greqinë dhe finalizimin e reformave.

Ne jemi shumë afër qëllimit tonë për arritjen e standardeve të BE-së. Sipas përvojave të mëparshme të zgjerimit të BE-së, kapitujt e pranimit janë finalizuar mesatarisht brenda 7 vjetësh. Kjo është në përputhje me qëllimin tonë dhe qëllimin e Komisionit Evropian, të krijuar me Strategjinë për zgjerimin e besueshëm të BE-së për vitin 2025”, ka thënë Zaev.

Ai ka folur edhe për mbështetjen e Gjermanisë dhe  kundërshtimin e Francës e Holandës për këtë projekt. Por kryeministri i Maqedonisë ka thënë se ky shtet nuk ka pasur ndonjë kërkesë për hapjen e ndonjë kampi refugjatësh apo  migrantësh siç u përmend se do të bëhej në Shqipëri.