Berisha prezantohet te skuadra japoneze

Besart Berisha ka marrë fanellën me numrin 16

Keystone

Sulmuesi shqiptar, Besart Berisha, është prezantuar te klubi japonez Sanfrecce Hiroshime.

32-vjeçari ka nënshkruar kontratë për një vit e gjysmë, me ç’rast do të fitojë rreth katër milionë euro.

Në prezantimin e tij në Japoni, Berisha ka thënë se me skuadrën e re do të kërkojë vetëm fitore dhe trofe.

“Do të luaj që të fitoj. Kudo që shkoj, shpirti im s’ndryshon. Kam ardhur të fitoj trofe”, ka thënë ai në konferencën e prezantimit, përcjell albinfo.ch.

Besart Berisha ka marrë fanellën me numrin 16. Në Japoni do të gjejë edhe Andres Iniesta, i cili pak kohë më parë ka nënshkruar për një tjetër skuadër japoneze.

Berisha ka thyer çdo rekord në futbollin australian duke u bërë golashënuesi më i mirë në histori. Berisha gjithashtu kishte fituar shumë trofe me klubin, si dhe personal.

Futbollisti nga Prishtina në të kaluarën ka qenë pjesë e Kombëtares shqiptare të futbollit, por edhe Përfaqësueses së Kosovës.