Një derr i egër plagos katër veta në qendër të Berlinit

Katër veta u plagosën të hënën pasdite nga një derr i egër 120 kg, i cili i sulmoi qytetarët në qendër të Berlinit, ka bërë të ditur policia e kryeqytetit gjerman. I thirrur për ndërhyrje në vendngjarje, një polic u kafshua në këmbë nga derri, të cilin më pas e qëlloi me armën e tij të shërbimit.

Derri kishte marrë përpara një burrë 74-vjeçar, të cilit i kishte kafshuar shpinën dhe këmbën, ndërsa një grua 74-vjeçare kishte mbetur në tokë e plagosur. Gjithashtu një 24-vjeçar ishte kafshuar në këmbë para se të mund të gjejë një strehë në një makinë.

Të tri viktimat janë dërguar në spital. Policia nuk ka hollësi rreth arsyeve që çuan kafshën për t’i sulmuar kalimtarët.

Ky lloj sulmi është e pazakontë, por dihet se numri i derrave të egër është rritur vitet e fundit në kryeqytetin gjerman, i cili ka hapësira të mëdha të gjelbra.