MPB-ja thotë se ka ulje numri i aksidenteve në trafik

Ministria e Punëve të Brendshme në Kosovë ka njoftuar se numri për aksidentet e trafikut është në ulje.

Pas fillimit të zbatimit të nenit 43 të Ligjit për Automjete,  si dhe pas rritjes së masave të sigurisë në komunikacion nga ana e Policisë së Kosovës Ministria e Punëve të Brendshme thotë se ka filluar të bjerë numri i aksidenteve në trafik.

“Sipas raportit të Policisë së Kosovës, krahasuar me gjashtëmujorin e vitit të kaluar, numri total i aksidenteve në gjashtëmujorin e parë të këtij viti ka rënë për 13.25 për qind.

Nga 8073 aksidente në trafik që kanë ndodhur në periudhën janar-qershor 2017, sivjet kanë ndodhur 7003 aksidente, që do të thotë 1070 aksidente më pak.

Ndërsa, krahasuar muajin qershor 2017, ku kanë ndodhur 15 aksidente, në qershor të këtij viti kanë ndodhur pesë aksidente me fatalitet”, thuhet në njoftim.  Kjo ministri fton qytetarët të respektojnë rregullat e komunikacionit,  sidomos gjatë sezonit veror kur pritet të rritet numri i pjesëmarrësve në komunikacion.