Vera më e thatë në Zvicër që nga viti 1921

KEYSTONE

Vera e tanishme në Zvicër është më e thata që nga viti 1921 dhe nuk ka shenja të reshjeve që vijnë në të ardhmen e afërt, sipas zyrës meteorologjike, shkruan ‘Swissinfo.ch’.

Nuk ka pasur kaq pak reshje midis fillimit të prillit deri në mesin e korrikut për gati 100 vjet, raporton televizioni publik zviceran SRF, përcjell albinfo.ch.

Disa kantone kanë ndaluar zjarret e hapura, një tipar i përbashkët i verës zvicerane kur njerëzit dalin në fshat për të ngrënë salsiçe nga frika e bimësisë së thatë që shkon deri në flakë dhe përhapet.

Kjo gjithashtu ka gjasa të ndikojë në festimet e Ditës Kombëtare të Zvicrës më 1 gusht, për shumë arsye, meqë tradicionalisht përfshijnë fishekzjarret.

Por, më e keqja ende nuk ka ardhur. Ditët më të nxehta dhe më të thata të verës në përgjithësi ndodhen nga tani deri më 23 gusht në Zvicër. Kjo vetëm do të rrisë rrezikun e zjarreve në pyje, paralajmërojnë ekspertët.