Kaos në Rinas, ndërhyn edhe policia

Kaosi ka mbërthyer udhëtarët në Aeroportin e vetëm ndërkombëtar të Shqipërisë, atë “Nënë Tereza” të Rinasit, ku shumë fluturime të planifikuara këtë të hënë nga kompania ajrore “Blue Panorama” janë shtyrë për afate kohore tejet të vona.

Vonesat e paplanifikuara dhe të paparalajmëruara kanë prekur thuajse të gjithë ditën, siç tregojnë disa foto të dërguara nga udhëtarë të ndryshëm në rubrikën “Ti Raporton” në Top Channel, ku shihet qartë që ato nisin prej udhëtimit të parë të mëngjesit, në orën 6:30 me destinacion “Malpensën” e Milanos, që është shtyrë për në orën 21:45 të mbrëmjes, përcjell albinfo.ch.

Po ashtu, edhe disa fluturime të tjera të kësaj kompanie janë vonuar, madje disa udhëtarë sjellin me zë e me figurë edhe irritimin e udhëtarëve të pakënaqur, aq sa është bërë e nevojshme edhe ndërhyrja e policisë.