Starbucks hap dyqan në Milano

Starbucks, zinxhiri më i madh i kafesë në botë, e ka realizuar ëndrrën afatgjatë të shefit të tij, me hapjen e një pastiçerie dhe kafeneje në Milano.

Testi i vërtetë do të jetë të binden italianët e obsesionuar me kafe për të paguar më shtrenjtë për expresson e tyre të përditshme. Dyqani do të jetë investimi i parë i gjigantit me bazë në Seattle në tregun italian.

Përndryshe, Italia njihet si vend me të obsesionuar pas kafesë dhe si konsumatori i katërt më i madh në botë i pijeve.  Shefi i Departamentit për Shitje me Pakicë në Starbuck, John Culver, thotë se ata kanë qenë jashtëzakonisht të ndjeshëm në lidhje me projektin, duke synuar të japin një ndjenjë të fortë për klientët e tyre të rinj italianë. Por, e gjithë kjo do ta ketë çmimin e vet.

Kjo, pasi një expreso do të kushtojë 1.8 euro, pothuajse dyfishi i asaj që italianët zakonisht paguajnë për një të tillë.  Dyqani me 2.300 metra katrorë është hapur brenda një ndërtese historike në qendër të Milanos. 

Për Starbucks, megjithatë, nuk do të jetë e lehtë të bëhet zgjedhja e parë për konsumatorët në një vend ku ka 57,000 kafene, numri më i madh në një vend perëndimor.

E, banakierët që shërbejnë kafe pranë katedrales së Milanos, thonë se nuk janë të shqetësuar nga konkurrenca e re. “Ndoshta të huajt do të donin Starbucks, por në Itali gjithmonë fiton kafeja klasike”, tha Giuseppe Reciputi.

---