CH-Ballkani
Eksperti Cederman: Më mirë konfliktet të zgjidhen mes vijave kufitare ekzistuese
Për edukimin në paqe Lars-Erik Cederman është shpërblyer me çmimin zviceran Marcel Benoist. Në një intervistë për “Luzerner Zeitung”, ai është shprehur se më mirë do ishte sikur konfliktet të zgjidheshin brenda vijave kufitare ekzistuese, përcjell albinfo.ch.
“Për të sqaruar shpërthimin e dhunës, nuk mjafton vetëm shikimi i pabarëzisë mes grupeve të ndryshme. Duhet të shikohen edhe raportet mes këtij grupi me pushtetin shtetëror. Nëse një shtet nuk respekton të drejtat minoritare ose bile i diskriminon në mënyrë aktive, atëherë rritet pakënaqësia. Në rastin më të keq kjo mund të çojë deri në konflikt. Ekipi im ka shpenzuar shumë kohë, për të pasqyruar këtë lidhje mes etnikumit dhe politikës,” thotë eksperti Cederman, duke shtuar se faktori ekonomik është i ngjashëm me atë politik. Më tej ai shton se në “shumicën e rasteve, do ishte më mirë që konfliktet të zgjidheshin brenda kufijve ekzistues. Por ka raste, kur bashkëjetesa më nuk është e mundur.”
Eksperti i lindur në Suedi tregon se Zvicra është një shembull i mirë i funksionimit të shtetit federal me shumë etni, ndërsa në rastet si Spanja duhet të dialogohet deri në zgjidhjen e problemit. Cederman nuk preferon ndarjen me dhunë siç ndodhi mes Krimesë dhe Ukrainës.
Në pyetjen e fundit ai është ndalur edhe në çështjen e shkëmbimit të mundshëm të territoreve mes Kosovës dhe Serbisë.
“Në themel jam për zgjidhjen e konflikteve në kufijtë ekzistues. Megjithatë, shkëmbimi i territoreve mund të ketë kuptim, në rast se nuk ka alternativë tjetër. Gjithsesi kjo duhet të kryhet në pajtueshmëri më banorët lokalë, pasi në të kundërt mund të ketë impulse të reja për konflikte. Për shembull, ajo mund të zgjojë edhe dëshirat e minoriteteve tjera. Nëse shkëmbimi i territoreve në këtë rast [Kosovë] është i mirë, ua lë të vendosin specialistëve të rajonit.”
Të ngjashme
Të tjera nga CH-Ballkani
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla