Deri në vitin 2030, BE do të reduktojë 35 % emetimet e CO2 nga automjetet

Pas një takimi maratonë prej 13 orësh, ministrat e Ekologjisë dhe Mjedisit të shteteve anëtare të BE-së të enjten vonë arritën një marrëveshje mbi reduktimin e emisioneve të dioksidit të karbonit (CO2) nga automjetet me 35 për qind deri në vitin 2030.

Siç raportojnë mediat nga Brukseli, kompromisi i arritur është nën nivelin e kërkuar nga Parlamenti Evropian prej 40 për qind dhe më poshtë se kërkesat e vendeve të shumta, të tilla si Franca dhe Holanda, përcjell albinfo.ch.

Gjermania dhe disa vende të Evropës Lindore ishin kundër shkallës së lartë prej 40 për qind, pavarësisht nga paralajmërimet e ekspertëve të klimës të Kombeve të Bashkuara në urgjencën e nevojës për të reduktuar ngrohjen globale prej 1.5 gradë celsius.

Gjermania, nën presionin e industrisë së saj të fuqishme të automobilave, arriti të shkurtojë kompromisin.

Sektori i transportit në BE është një nga sektorët e vetëm, ku emetimet e CO2 janë në rritje, në vend se të zvogëloheshin.