Ekonomi
Funte rrezikon rënien e madhe
Zv/Guvernatori i Bankës së Anglisë, Jon Cunliffe, tha se funte mund të pësojë një rënie të madhe nëse Britania del nga Bashkimi Evropian pa marrëveshje.
Sipas tij, valuta po nxitet nga negociatat me Evropën dhe vlera aktuale reflekton shumë rezultate të mundshme. Kjo nënkupton se priten luhatje të mëdha ndërkohë që rezultatet bëhen të ditura.
“Ndërkohë që rrugëtimi i Brexit bëhet i dukshëm dhe i qartë, kursi i këmbimit do të pësojë lëvizje të mëdha”, tha ai. Bisedimet ditën e mërkurë dështuan të sjellin një dakordësi në Bruksel dhe kryeministrja Theresa May po konsideron zgjatjen e periudhës së tranzicionit pas daljes në muajin mars, transmeton ‘Scan’.
Liderët e Bashkimit Evropian kanë deklaruar se nuk është bërë progres i mjaftueshëm deri më tani, në mënyrë që të arrihet marrëveshja e divorcit në nëntor, përcjell albinfo.ch.
Ndërkohë që zv/guvernatori përsëriti se Banka e Anglisë nuk shënjestron kursin e këmbimit, ai tha se vlera e funtes ka shumë ndikime nga objektivi i arritjes së inflacionit në 2%.
Funte ka ndjekur zhvillimet e Brexit që prej referendumit të vitit 2016 dhe pati rënien më të madhe pas rezultatit të atij votimi.
Zhvlerësimi rriti çmimet e importit dhe fryu inflacionin për një periudhë thuajse 2-vjeçare. Aktualisht, valuta është në rënie me 12% që prej qershorit 2016, ku britanikët votuan për të dalë nga Evropa.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Gjashtë gjëra që duhet të dini për pagat në Zvicër Nëse jetoni dhe punoni tashmë në Zvicër, (ose jeni gati të zhvendoseni këtu), ndoshta jeni njohur...
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse
-
Migros do të sjell hamburgerë të rinj, zviceranët skepitkë
-
Rreth 150 mëlçi transplantohen në të gjithë Zvicrën çdo vit