Ekonomi
Bankat amerikane po zhvendosen në Frankfurt
Kjo lëvizje përkthehet në 250 miliardë euro më shumë në tregun bankar të Gjermanisë, tregojnë përllogaritjet më të fundit
Londra është qendra financiare e Evropës dhe strehon selitë qendrore të një sërë bankash. Por, me Brexit, këto banka do të zhvendosen thuajse të gjitha në Frankfurt të Gjermanisë. Sidomos bankat amerikane.
Kjo lëvizje përkthehet në 250 miliardë euro më shumë në tregun bankar të Gjermanisë, tregojnë përllogaritjet e fundit. Goldman Sachs, JPMorgan Chase & Co., Morgan Stanley dhe Citigroup kanë prezantuar tashmë planet e tyre për rritur asetet nëpërmjet degëve të tyre në Frankfurt pas daljes zyrtare të Britanisë nga Bashkimi Evropian, transmeton ‘Scan’.
Por, gjithsesi, edhe sasia e aseteve që do të shpërngulen në Gjermani është në varësi të negociatave të Brexit. Pra, marrëveshja që do të arrijë Londra me Brukselin do të jetë përcaktuese edhe për llojin e klientëve që do të zhvendosin asetet e tyre nga Londra në Frankfurt.
Disa prej tyre mund të kërkojnë të shpërngulen, ndërsa të tjerë mund të preferojnë të qëndrojnë.
Shpërngulja do të jetë shumë pak domethënëse vetëm në rast se nga marrëveshja bankat do të mund të ruajnë atë që njihet si e drejta e pasaportizimit.
Por, Brukseli ka shumë pak gjasa ta bëjë një lëshim të tillë. Ndër bankat amerikane, vetëm Meryll Lynch ka zgjedhur Parisin si qendrën e saj të re në Evropë. Edhe vetë Deutsche Bank mund të shpërngulë asetet e saj në Frankfurt, për ta kthyer këtë të fundit në kryeqendrën financiare të Evropës.
Të ngjashme
Të tjera nga Ekonomi
E-Diaspora
-
RTS: “Toka Brenda Meje” e Fisnik Maxville-it trajton traumën e Kosovës Filmi i parë artistik i Fisnik Maxville, “The Land Within”, tregon historinë e një kosovari të...
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Zvicër
-
RTS: “Toka Brenda Meje” e Fisnik Maxville-it trajton traumën e Kosovës Filmi i parë artistik i Fisnik Maxville, “The Land Within”, tregon historinë e një kosovari të...
-
122 politikanë, viktima të spiunazhit kinez, përfshirë zviceranët
-
Dritat veriore mbi qiellin zviceran
-
19-vjeçarja zvicerane bën një zbulim spektakular, nderohet me çmim special
-
Ja sa janë rritur fitimet e shefave të sigurimeve shëndetësore në Zvicër