2018-a, me numër rekord të vdekjeve të punëtorëve në Kosovë

Foto ilustrim

Bashkimi i Sindikatave të Pavarura të Kosovës e ka paraqitur 2018-ën si vitin me më së shumti raste të vdekjeve të punëtorëve në vendin e punës. Drejtuesit e tyre kanë shprehur shqetësimin e tyre për mungesën e kushteve të punës për punëtorët në këtë sector, shkruan albinfo.ch

“Gjatë këtij viti ka pasur 23 raste të vdekjes së punëtorëve në vendin e punës. Fatkeqësisht është numër rekord”, ka thënë kreu i Sindikatës së Sektorit Privat, Jusuf Azemi.

Sipas tij, këto raste, ndër të tjera, po ndodhin si mungesë e edukimit të pronarëve dhe punëtorëve. Ata kanë akuzuar drejtuesit shtetërorë e komunalë për mosndërmarrjen e masave.

Azemi ka thënë se Inspektorati i punës ka dështuar në të gjitha aspektet për t’i kryer obligimet që i ka. Ai kërkoi që Qeveria të formojë një fond social, në mënyrë që ta ketë për mbështetje në rastet kur bëhet padrejtësi ndaj punëtorëve në vendin e punës.