Rama pret policen Nuka  e cila humbi gishtat në protestë

Pas kthimit në Shqipëri ku ishte për ndërhyrje pasi humbi gishtrinjët një protestë të dhunshme në Tiranë policja, Ina Nuka është pritur mëngjesin e sotëm nga Kryeministri Edi Rama i cili shprehu bindjen se ajo do të vazhdojë të shërbejë edhe më shumë pasion e vendosmëri, në radhët e Policisë së Shtetit.

Kryeministri theksoi se ka qenë vetë Presidenti Erdogan që është interesuar pranë mjekëve për rastin e saj. 

“U kujdes personalisht Presidenti Erdogan dhe mjekët ishin shumë të shqetësuar, pasi fillimisht thanë, pa ditur gjë, që nuk është problem dhe pastaj kur morën gjithë të dhënat dhe faktin se gishti ishte krejt i shkatërruar ata u futën në panik dhe u ra optimizmi. Mjekët thanë se këtu është fjala të bëjnë një implantim tjetër, që nuk është rutinë e punës së tyre. Por patën edhe shtysën nga ne dhe shtysën nga Presidenti i tyre dhe e morën atë risk me shumë sukses”,  ka thënë ai. 

Ndërsa policja tregoi se mjekët e kishin siguruar se brenda 6 muajve do të ketë ndjeshmërinë e gishtit që u bë implanti, ndërsa këtë javë do të nisë fizioterapia deri sa të merret komplet funksionimi i dorës. 

“Kur kam shkuar te mjekët në Turqi jam futur direkt në sallë për të bërë ndërhyrjen e parë. Nëse do të vonohesha qoftë edhe me 2 orë, mjekët më thanë se dorën nuk do ta kisha fare”, ka treguar Nuka.