Kosova
Hiqet tabela e rrugës që mbante emrin e një meshtari katolik
Një gjest e ka bërë një fshatar i Buqanit të Pejës. Ai i irrituar nga emërimi i një rruge të fshatit me emrin e një meshtari katolik, ka hequr tabelën njoftuese të vendosur buzë rrugës së fshatit.
Personi në video thotë se gjestin e bën për shkak të dëshmorëve, që kanë dhënë jetën dhe nuk pajtohet që kjo lagje të emërtohet në bazë të një personi tjetër.
Gjithsesi kjo ka nxitur shumë reagime në rrjetet sociale, derisa pritet që shumë shpejt të mësohet e vërteta.
Gjithashtu raportohet se ky person është intervistuar nga Policia e Kosovës.
Video është shpërndarë në Facebook.
Bëhet fjalë për tabelën njoftuese të rrugës që mban emrin e meshtarit At Lugj Palaj – dëshmor që ra në kryerje të detyrës së shenjtë për njerëzimin, shkruan GazetaExpress, përcjell albinfo.ch.
Banori në fjalë thotë se është ndier shumë keq kur e ka parë këtë tabelë rrugore me këtë emër. Madje, thotë se e ka brengosur shumë ky emërtim i rrugës.
Luigj Palaj për deri sa ishte në shërbim si meshtar në kishën katolike në Gllogjan, Pejë (Kosovë), gjatë kohës së Luftës së Parë Ballkanike për shkaqe humane ra në kundërshtim me doktrinën serbe.
Sipas historisë, përderisa doktrina ishte në kulmin e zbatimit të konvertimeve të shqiptarëve në ortodoksë të kishës sllave dhe po i afrohej hapësirës që mbulonte kisha e Glloganit dhe tashmë zbatuesit e doktrinës nuk ndaleshin vetëm me konvertimet e dhunshme të myslimanëve nën flamurin e knjaz Nikollës, Palaj fillon kundërshtimin e tij të drejtpërdrejtë ndaj këtyre konvertimeve dhe bërësve të tyre.
Kështu më 7 mars të vitit 1913 në Janash afër Gjakovës, Palaj së bashku me pesëdhjetë e pesë bashkëkombës të tij në rugën Gjakovë-Pejë masakrohen nga zbatuesit e doktrinës, shkruan GazetaExpress, përcjell albinfo.ch.
Pas reagimeve të ashpra të shteteve krishtere si Austro-Hungaria dhe Papatit në Vatikan dhe presionit të përgjithshëm ndërkombëtar ndaj knjaz Nikollës, ky e ndalon zbatimin e më tutejshem të doktrinës në rrafshin e Dukagjinit.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Sa banorë të huaj bëhen shtetas zviceranë çdo vit? Të dhënat e reja të qeverisë zbulojnë se sa shtetas të huaj bëhen zviceranë dhe cilët...
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale