Presidenti i Shqipërisë: Libri i F.Plakut, ‘guidë e jashtëzakonshme për turistët’

Presidenti i Shqipërisë, Ilir Meta, ka takuar autorin e albumit fotografik, “Thesaret e fshehta të Shqipërisë”, Fation Plaku, duke e vlerësuar këtë guidë si një udhërrëfyes për Shqipërinë që nuk e njihni. Meta ka thënë se ajo është një guidë e jashtëzakonshme për turistët vendas dhe të huaj, përcjell albinfo.ch

“Një Shqipëri me bukuri natyrore e resurse turistike përrallore, e përmbledhur në një album që në çdo faqe zbulon thesare mahnitëse, të fotografuara nga këndvështrimi i një alpinisti dhe eksploratori. Mos humbisni rastin për të kërkuar albumin e Fation Plakut “Thesaret e fshehta të Shqipërisë”, një guidë e jashtëzakonshme për turistët vendas dhe të huaj, udhërrëfyes për Shqipërinë që nuk e njihni”, ka thënë presidenti.