Kryetarja e LSI-së bën thirrje për protestën e 16 shkurtit

Kryetarja e parisë opozitare LSI-së, në Shqipëri,  Monika Kryemadhi, ka ftuar qyetarët për t’iu bashkuar protestës së 16 shkurtit.

Në takimin me strukturat socialiste në Korçë, Kryemadhi deklaroi se protesta nuk do të jetë vetëm e opozitës, por edhe e socialistëve të ndershëm që janë të pakënaqur nga qeveria Rama, transmeton albinfo.ch.

“16 shkurti nuk është thjesht protestë e opozitës, është protestë e të gjithë popullit shqiptar. Ka një emër, atë të halleve shqiptare. Çdo shqiptar që nuk ka mundësi të ushqejë fëmijët e tij, të paguajë faturën e energjisë, apo nuk ka mundësi të paguajë taksat e larta që ndihet i frustruar, më 16 shkurt të jemi në protestë për t’i thënë kësaj kaste që ne nuk pranojmë dhunimin tënd”, tha ajo.