Rama: Opozita, me skenar maqedonas

Keystone EPA/MALTON DIBRA

Kryeministri i Shqipërisë, Edi Rama, i ka komentuar akuzat e presidentit Ilir Meta, që i bëri në një intervistë në Zërin e Amerikës.

Sipas Ramës, Ilir Meta nuk e mbajti dot rëndesën e presidentit dhe tani është  thjesht partia e katërt e opozitës.

Kryeministri Rama ka folur edhe për protestën e opozitës, duke thënë se të shtunën nuk proteston Shqipëria, por proteston një kastë, përcjell albinfo.ch.

Ai ka thënë se ka një përpjekje të opozitës për të vepruar sipas një skenari maqedonas. “Të shtunave e para shkoj në zyrë, por në zonë, dhe më 16 shkurt do të jem në Vlorë. Nëse kulmin e saj opozita e shikon te përplasja fizike, po pastaj çfarë do të ndodhë më pas? Ka një përpjekje të opozitës për të vepruar sipas një skenari të ngjashëm me atë të Maqedonisë. Të shtunën nuk proteston Shqipëria”, ka thënë ai, duke shtuar se nëse zgjedhjet do të mbaheshin të dielën, ato do t’i fitonte pa dyshim Partia Socialiste.