Policia në Shqipëri bastis shtëpitë e disa gjyqtarëve

Policia në Shqipëri njofton se ka bërë kontrollin e shtëpisë së gjyqtarëve që dhanë vendimin për uljen e dënimit të Dritan Dajtit.

Njërit prej gjyqtarëve që shpëtoi Dajtin nga burgimi i përjetshëm,  në shtëpinë që ka në Vlorë i është gjetur një shumë prej 20 000 eurosh, përcjell albinfo.ch.

Mediat në Tiranë raportojnë se kontrollet janë kryer nga forcat speciale të policisë me vendim gjykate. Tri ditë më parë, ministrja e Drejtësisë së Shqipërisë, Etilda Gjonaj, dorëzoi në KLGJ, kërkesën për fillimin e hetimit disiplinor për gjyqtarët Skënder Damini, Aleks Nikotli dhe Petrit Aliu.

E Këshilli i Lartë Gjyqësor njoftoi se kjo çështje do të trajtohet me përparësi, paanshmëri dhe profesionalizëm.