Shqipëria
Hetime të dyanshme për protestën në Shqipëri
Institucioni i Avokatit të Popullit ka reaguar në një deklaratë të fundit lidhur mbi protestën e zhvilluar nga opozita më 16 shkurt, ku ka monitoruar me kujdes sjelljen e policisë ndaj protestuesve para dhe pas protestës.
Në raport, Avokati i Popullit konstaton se protesta është mbajtur brenda standardeve normale të një tubimi paqësor.
Sipas raportit, shumica dërrmuese e qytetarëve janë shfaqur të qetë dhe të paangazhuar në akte kërcënuese për rendin, qetësinë dhe sigurinë publike.
Ndërsa çmon se sado i parëndësishëm qoftë numri i qytetarëve që e injorojnë ligjin dhe përfshihen në veprime të dhunshme, cenimi i pronës publike si dhe veprimet në kundërshtim të sigurisë dhe rendit publik janë të papajtueshme me të drejtën kushtetuese të protestës dhe dëmtojnë jo thjesht pasurinë publike, por edhe të drejtën e qytetarëve të tjerë për të protestuar paqësisht, shkruan opinion, përcjell albinfo.ch.
Në lidhje me sjelljen e Policisë, AP, ka konstatuar se edhe pse forcat e ruajtjes së rendit në përgjithësi e kanë menaxhuar me rregullsi protestën, pa u angazhuar në ushtrim dhune mbi qytetarët protestues, ka dyshime në lidhje me proporcionalitetin e përdorimit të gazit lakrimogjen apo edhe të pajisjeve të tjera shpërthyese që u hodhën nga forcat e ruajtjes së rendit mbi masën e qytetarëve gjatë protestës.
Për këtë arsye, Avokati i Popullit, u ka drejtuar kërkesa zyrtare autoriteteve të Policisë së Shtetit dhe Gardës së Republikës për të dhënë sqarime mbi llojin, sasinë, përqendrimin, përbërjen dhe prejardhjen e këtyre lëndëve.
Po kështu, Avokati i Popullit ka ndjekur zyrtarisht edhe procedurat e ndalimit të një numri pjesëmarrësish në tubim nga ana e organeve ligjzbatuese gjatë orëve të mbrëmjes në vijim. Ku nga 15 të shoqëruar vetëm një prej tyre ka paraqitur ankesa për dhunë gjatë shoqërimit nga policia.
Të ngjashme
Të tjera nga Shqipëria
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse