Violinat e veçanta të palestinezit

Duke punuar nga dyqani i tij i vogël në qytetin e vjetër të Ramallahut në Bregun Perëndimor, Shehada Shalalda gdhend një pllakë violine. Duke i kushtuar vëmendje të veçantë, 28-vjeçari ka për qëllim që punën e tij ta kryejë brenda 3 muajve të ardhshëm.

Gjithçka filloi 13 vjet më parë për palestinezin, talenti i të cilit pothuajse shkoi pa u vënë re. Shalada, që shkoi në një shkollë muzikore në moshën 15-vjeçare, u ftua të vizitojë Italinë, vendin që ai e quan “vendi amë për violinë”.

“Mësuesi im e pa se unë isha i interesuar për këtë temë, ai më ftoi në Itali në vitin 2008, kur isha 15-vjeçar, më 2008, shkova në Itali, atje fillova të mësoja si të bëja një violinë”, kujton Shalada.

Aftësitë e tij pastaj ia rezervuan një vend në kolegjin Newark të Britanisë, ku ai kaloi tre vjet. Shalada, që besohet të jetë prodhuesi i vetëm i violinave në territoret palestineze, fitoi popullaritet jashtë shtetit pasi konkurroi me një violinë në Itali.

“Kur dikush mban një instrument Shalalda, ai do të dijë se kush është Shalalda. Gjithashtu, unë i shes instrumentet nëpër këto ekspozita, takoj tregtarët e violinave dhe bëj marrëveshje me ta për të blerë nga unë instrumente muzikore”, tha ai.

Shalada gjithashtu tha se violinat e tij janë ekspozuar në Paris, Londër dhe Njew York. Dhe në Jordaninë fqinje, pjesët e tij vlerësohen shumë nga muzikantë, siç është Abdelrahim Dukhan, i cili e mori vesh për Shalada nga një koleg i orkestrës.