Turistët nga Zvicra vizitojnë Shqipërinë

170 turistë nga Belgjika, Franca dhe Zvicra kanë zbarkuar këtë të shtunë në Vlorë, me anijen e madhe “La belle de L’ Adriatik”.

Mbërritur nga Duvroniku Kroaci, ajo do të qëndroi në Vlorë të shtunën, për të vijuar më pas drejt Sarandës dhe ishullit të Korfuzit në Greqi, përcjell albinfo.ch.

Veç Vlorës, turistët kanë patur mundësinë që të vizitojnë nga afër dhe qytetin e Beratit dhe parkun arkeologjik të Apolonisë në Fier, ndërsa është e treta herë që mbërrin në brigjet shqiptare një anije e tillë, që itinerare te tilla do ti ketë tashmë të zakonshme gjatë sezonit turistik të këtij viti, duke e kthyer Vlorën një nga destinacionet kryesore turistike.

Për ata turiste të cilët kanë mbërritur në Vlorë, qyteti bregdetar është me të vërtetë diçka e veçantë, i bukur dhe që ofron një pamje mahnitëse, por veç Vlorës kanë mundësinë të shohin dhe destinacione te tjera turistike të vendit, duke e kthyer Vlorën dhe Shqipërinë një nga destinacionet kryesore turistike të vitit 2019.

Anije të tilla janë tashmë dhe të shpeshta në portet shqiptare dhe kryesisht në Vlorë, ndërsa gjatë sezonit turistik të vitit 2019, Vlora do të jetë një nga destinacionet kryesore turistike, për turistë të huaj dhe nga vende të ndryshme të Evropës dhe botës.