Vijon rrethimi i Kryeministrisë, hidhen shashka e tymuese drejt godinës

Keystone EPA/MALTON DIBRA

Vijon protesta e opozitës, teksa pas fjalës së Flamur Nokës, protestuesit bënë një marshim simbolik, duke rrethuar godinën e Kryeministrisë.

Më pas ishte sërish ish-deputeti i Partisë Demokratike që bëri thirrje për një tjetër marshim përreth godinës së Kryeministrisë, që po vijon ende tani.

Gjatë marshimit të protestuesve rreth godinës nuk kanë munguar hedhja e shashkave, tymueseve dhe objekteve të tjera drejt Kryeministrisë.

Ndërkohë vlen të përmendet se situata është përgjithësisht e qetë, ndërsa nuk është regjistruar asnjë konfrontim me policinë, që ndodhet me numra të shumtë përreth godinës.

Forcat e rendit kanë shtuar masat e sigurisë, duke marrë shkas edhe nga përshkallëzimi në akte dhune i protestës së 16 shkurtit, shkruan TCH, përcjell albinfo.ch.

Kështu janë përforcuar xhamat e derës së Kryeministrisë, ndërsa edhe shtyllat ku janë vendosur altoparlantet janë lyer me një material që pamundëson hipjen në to.