Shkurt.ch
Zvicra shqyrton masa shtesë për luftimin e terrorizmit
Në mesin e propozimeve është ai, sipas të të cilit, personat e dënuar si terroristë, dhe që klasifikohen si të rrezikshëm, mund të mbahen të mbyllur edhe pasi të kenë kryer vuajtjen e dënimit
Zyra Federale për Polici (Fedpol) aktualisht është duke bërë shqyrtimin e qëndrimeve të ndryshme lidhur me një ligj që parasheh masat policore për luftimin e terrorizmit. Kështu, policia në të ardmen duhet të ketë në duar më tepër mjete për të bërë parandalimin e veprave terroriste, shkruan srf.ch. Kështu policia do të ketë mundësi që në mënyrë preventive të vendosë detyrim të paraqitjes ose ndalim rajoni për personat e identifikuar si të rrezikshëm, të dyshimtë për terrorizëm, transmeton albinfo.ch. Një gjë e tillë edhe tash e¨shtë e mundur të bëhet në raport me huliganët dhe me ata që ushtrojnë dhunë familjare.
Në rastet ekstreme do të jetë i mundur edhe arresti shtëpiak. Në mesin e propozimeve lidhur me ligjin, të ardhura nga kantonet, e të cilat do t`i shqyrtojë ministrja e drejtësisë, Karin Keller-Sutter, është ai, sipas të të cilit, personat e dënuar si terroristë, dhe që klasifikohen si të rrezikshëm, mund të mbahen të mbyllur edhe pasi të kenë kryer vuajtjen e dënimit.
Ndërkaq, sipas organizatave që mbrojnë të drejtat e njeriut, një gjë e tillë shkon tepër larg, transmeton albinfo.ch. Kjo është shkelje e rëndë e të drejtave themelore, thotë Beat Gerber, zëdhënës i Amnesty International, Zvicër. Sipas tij, një person i tillë do të dënohej për qëndrimin e tij dhe jo për veprimin e tij konkret. Veç kësaj, tashmë ekzistojnë masa të ndryshme kundër terrorit.
Nga perspektiva e autoriteteve, masat plotësuese parandaluese do të mund të plotësonin ato ekzistuese. Nëse ndër masat e tilla do të hyjë edhe burgu për siguri, që kontestohet shumë, mbetet e hapur, përcjell albinfo.ch. Këtë çështje e ksihte ngritur Konfrenca e Drejtorëve Kantonalë të Drejtësisë dhe Policisë (KKJPD), e përbërë nga autoritetet të cilat në fajt do të ishin përgjegjëse për zbatimin e kësaj mase.
Të ngjashme
Të tjera nga Shkurt.ch
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Cyrih
Aeroporti i Cyrihut, më i pastërti në Evropë Dhjetë aeroportet më të pastra në botë...
-
Operacioni Pandora: Qendrat e thirrjeve mashtruan edhe në Zvicër
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich