Betohen 3 deputetët në Parlamentin shqiptar

Teksa jashtë selisë së Parlamentit shqiptar janë grumbulluar mijëra njerëz, duke protestuar, deputetët Ralf Gjoni, Nimet Musai dhe Enada Kapllani janë betuar në Kuvendin e Shqipërisë.

Ata janë tre emrat më të fundit që u bashkohen atyre që pranuan mandatin e deputetit pas vendimit politik të opozitës për djegien e mandateve, shkruajnë mediat shqiptare.

Ralf Gjoni, Nimet Musai dhe Enada Kapllani ishin kandidatë në listat zgjedhore të LSI-së, duke plotësuar kështu zbrazësinë e krijuar pas dorëzimit të mandatit nga ish-deputetë të kësaj partie, përcjell albinfo.ch.

Kryetari i Kuvendit të Shqipërisë, Gramoz Ruçi, lexoi formulën e betimit dhe të tre deputetët u betuan në Kuvend.