SBASHK-u sërish paralajmëron grevë në arsim

Sindikata e Bashkuar e Arsimit, Shkencës dhe Kulturës e Kosovës u ka bërë thirrje deputetëve se është më mirë të diskutojnë për mungesën e kushteve elementare të punës në shumicën e shkollave të Kosovës, se sa të merren me një vendim, siç e quan kjo Sindikatë, “joligjor” të ministrit të Arsimit, Shyqiri Bytyqi.

SBASHK-u, nëpërmjet një komunikate, ka thënë se ligji e njeh grevën si veprim demokratik dhe nuk obligon grevistët që orët apo ditët e humbura në grevë të kompensohen.

Kjo Sindikatë thotë se nëse vazhdohet me presione ndaj mësimdhënësve për t’i zëvendësuar orët e humbura gjatë grevës, SBASHK-u do të shpallë grevë si reagim ndaj këtyre presioneve.