SHBA-ja mbështet Shqipërinë për anëtarësim në BE 

Ministri i Jashtëm në detyrë i Shqipërisë, Gent Cakaj, në vizitën e tij në SHBA, në kuadër të takimeve me rastin e 70-vjetorit të krijimit të NATO-s, ka takuar kryetaren e Dhomës së Përfaqësuesve, demokraten Nancy Pelosi. 

Cakaj ka thënë se ka marrë mbështetje nga demokratja Pelosi se SHBA-ja do ta mbështesë Shqipërinë për anëtarësimin në Bashkimin Evropian.  “Shqipëria ka çmuar përherë partneritetin strategjik me Shtetet e Bashkuara, partneritet që përbën një nga elementet kryesore në politikën e jashtme dhe angazhimin e Shqipërisë në rajonin tonë”, ka thënë Cakaj, përcjell albinfo.ch.

Ndërsa, Pelosi u shpreh se Amerika e ka mbështetur pa rezerva Shqipërinë në rrugëtimin e saj deri në anëtarësimin e plotë në NATO, 10 vjet më parë, e do të vazhdojë ta bëjë këtë edhe në aspiratën e Shqipërisë për t’u anëtarësuar në Bashkimin Evropian.