Tiranë: Bojkotohet konferenca për klimën e organizuar nga OKB-ja

Një tjetër incident diplomatik ka ndodhur në lidhje me Kosovën e Serbinë. Kjo e fundit nuk ka pranuar të bëhet pjesë e samitit për “Klimën në Ballkanin Perëndimor”, që është pritur të mbahet në Tiranë. 

Siç ka bërë të ditur ministri i Mjedisit, Fatmir Matoshi, Serbia dhe OKB-ja nuk kishin pranuar që Kosova të jetë me të drejta të plota në tryezë, dhe se ishte paraparë që shteti i Kosovës të përfaqësohej nga UNMIK-u. 

Matoshi e ka quajtur të pakuptimtë që në një samit ku flitet për klimën në Ballkanin perëndimor, Kosova të përjashtohet, përcjell albinfo.ch.

Derisa homologu i tij nga Shqipëria, Blendi Klosi, ka shtuar se për samitin protokolli ishte i përcaktuar nga Organizata e Kombeve të Bashkuara.