Presidenti me porosi ndaj serbëve që largohen nga policia

Keystone (AP Photo/Visar Kryeziu)

Presidenti i Kosovës, Hashim Thaçi, gjatë ditës së sotme ka porositur pjesëtarët serbë të cilët punojnë në Policinë e Kosovës dhe institucionet e tjera të sigurisë, se në rast se i braktisin këto institucione, më nuk do të kthehen aty.

Këtë porosi Thaçi e ka bërë përmes rrjetit social “Facebook”.

“Nëse pjesëtarët e cilitdo komunitet largohen nga institucionet, konkretisht nga Policia dhe mekanizmat e tjerë të sigurisë, të gjithë atyre ua rikonfirmoj edhe sot se do të respektohet në plotni kushtetutshmëria dhe ligjshmëria për të gjithë. Është në vullnetin individual të secilit që të vendosë nëse do të qëndrojë apo të largohet, por një gjë është e qartë: nuk lejojmë vakuum dhe çdokush që largohet më nuk do të kthehet. Vendet e tyre do të plotësohen menjëherë me pjesëtarë tjerë të të gjitha komuniteteve”, shkroi Thaçi në Facebook.