Korçë: 20 emigrantë sirianë kapen nga policia

Foto ilustrim

Policia kufitare në Kapshticë ka kapur 20 klandestinë sirianë, të cilët vinin nga Greqia. Mësohet se mes tyre kishte gra dhe fëmijë.

Refugjatët janë dërguar në drejtorinë e kufirit për të dhënë deklarimet e tyre.

Po të njëjtat burime thonë se përgjatë ditëve të fundit janë kapur më shumë se 120 klandestinë të huaj, shkruan ora news, përcjell albinfo.ch.

Të dhënat zyrtare mungojnë, por burime konfidenciale flasin për mbi 1200 të ndaluar në tre muaj vetëm në qarkun e Korçës.

Kufiri i gjelbër Shqipëri-Greqi në qarkun e Korçës dhe Gjirokastrës mbetet porta kryesore e hyrjes së klandestinëve që vijnë kryesisht nga vendet në konflikt në Lindjen e Mesme.