Cilat janë pasojat e emigrimit të shqiptarëve

Keystone

Emigrimi neto është një ndër sfidat më të mëdha të shoqërisë dhe ekonomisë shqiptare.

Përgjatë tre dekadave të fundit, fenomeni i largimit, sidomos të të rinjve, njerëzve të kualifikuar dhe të asaj pjesë të shoqërisë të cilës i referohemi me “truri”, ka qenë një plagë e madhe.

Organizata të ndryshme ndërkombëtare kanë ngritur alarmin për këtë, ndërkohë që një pjesë e tyre japin edhe shifra të përafërta të kostos ekonomike të migrimit neto.

Kështu, në një raport të publikuar kohë më parë nga Fondi Monetar Ndërkombëtar, thuhet se në vende si Shqipëria, emigracioni ka fshirë nga 0.6% deri në 0.9% të Prodhimit të Brendshëm Bruto, transmeton ‘Scan’.

Me një ekonomi vjetore në rreth 13 miliardë euro, rezulton se, dëmi i drejtpërdrejtë si pasojë e emigracionit neto në Shqipëri ngjitet deri në 120 milionë euro në vit. Pra, largimi i “trurit” i heq prodhimit kombëtar një pjesë të konsiderueshme, përcjell albinfo.ch.

Veç Shqipërisë, kjo gjë vlen edhe për vende si Mali i Zi apo Rumania në rajon, si dhe Letonia me Lituaninë më sipër në zonën e Baltikut. Emigracioni neto parashikohet të shkurtojë forcën punëtore nga 10 deri në 20%.