Lirohet shqiptari i dyshuar për vrasjen e gruas, bëhet fjalë për vetëvrasje?

I dyshuari për vrasjen gruas së tij në fund të janarit në Wohlen është liruar nga burgu. Prokuroria beson se ka indikacione se gruaja nga Kërcova mund të jetë vetëvrarë.

Ndaj 40 –vjeçarit , shqiptar nga Maqedonia  prej 29 janari 2014 janë aplikuar masat shtrënguese në paraburgim  nga gjykata  për shkak të mundësisë së arratisjes dhe marrëveshjeve të fshehta. Ai dyshohej se ka vrarë gruan e tij .

Prokuroria gjatë hetimeve nuk ka mundur ta vërtetojë dyshimin kundër tij dhe për këtë arsye ai ishte liruar të martën nga paraburgimi.

Hetimet e deritanishme të policisë kantonale  të Aargau, të policisë dhe prokurorisë në Muri – Bremgarten çojnë  në vetëvrasjen e 35 – vjeçares nga Maqedonia .

Megjithatë, rrethanat dhe faktet e incidentit ende nuk janë kuptuar plotësisht dhe për këtë arsye do të vazhdojnë hetimet .