Haradinaj “lufton” me Majlinda Kelmendin

Kryeministri i Kosovës, Ramush Haradinaj, gjatë ditës së sotme ka zhvilluar një “luftë” me kampionen kosovare, Majlinda Kelmendin.

Me anë të njoftimi në Facebook, trajneri Driton Kuka ka treguar se Kryeministri ka vizituar ekipin olimpik në Pejë.

“Kryeministri Haradinaj nderoi ekipin tonë me vizitë si dhe iu bashkangjit stërvitjes së ekipit Olimpik në palestrën tonë në Pejë!

Ai sonte ‘luftën’ e parë e kishte me Kampionen tonë Olimpike. Kryetari i Federatës, Agron Kuka, solemnisht gjatë stërvitjes promovoi kryeministrin me titullin e nderit  Mjeshtër i xhudos Brezi i Zi 1 Dan. Mua si trejner  nga kryeministri m’u nda mirënjohja  “Gjergj Kastrioti – Skenderbeu“ për punën dhe arritjet me ekipin! Kjo ishte stërvitja jonë e parë me kryeministrin si njohës i rrallë i arteve marciale dhe na premtoi që prapë të jetë me ne në stërvitjet e ardhshme”, ka shkruar Kuka.