Integrimi
Elona Demi, fituese në zgjedhjet në Itali

Elona Demi është emigrantja shqiptare që ka dalë fituese në zgjedhjet vendore në Itali, të cilat u zhvilluan më 26 maj, njëkohësisht me zgjedhjet evropiane në rreth 3800 komuna italiane.
Kandidate në listën e qendrës së majtë italiane, 38-vjeçarja shqiptare ka fituar postin e këshilltares në Komunën Sorbola Mezzani, në provincën e Parmës, ku kryetar Bashkie sapo është zgjedhur Nicola Cesari, me 69.36% të votave.
Shqiptarja Elona Demi jeton prej disa vjetësh në këtë komunë.
E lindur në qytetin e Sarandës, ajo është diplomuar në Universitetin e Bolonjës për Juridik e në Universitetin e Parmës për gjuhë të huaja, e punon si profesioniste e lirë në fushën e gjuhësisë e përkthimit.
“Jam krenare për origjinën time shqiptare”, thotë ajo, “bagazhi im kulturor, historik e moral është një vlerë e shtuar në punën time”.
Ndërsa për fitoren e arritur ajo thotë “më kanë zgjedhur për aftësitë e mia e për vullnetin që kam për t’u vënë në dispozicion të komunitetit”, shkruan oranews, përcjell albinfo.ch.
Shqiptarja Elona Demi do të jetë këshilltare bashkiake në Komunën Sorbola Mezzani, ku jetojnë 13 mijë banorë.
Të ngjashme
Të tjera nga Integrimi
E-Diaspora
-
Konsullata e Kosovës në Shtutgart: Nuk ka informacione për viktima nga Kosova Pas aksidentit hekurudhor të ndodhur pranë qytetit Riedlingen në landin gjerman të Baden-Württemberg, ku një tren...
-
Veshalla e Tetovës mirëpret mërgimtarët në manifestimin tradicional “Votra jonë na bashkon”
-
Tragjedi në Ujman: Humb jetën mërgimtari 33 vjeçar pasi kërceu nga ura
-
Shqiptarët në Maqedoni të përjashtuar nga anketa zyrtare për diasporën
-
NZZ shkruan për ambasadorin e Kosovës në Bern, Mentor Latifin
Jeta në Zvicër
-
Miliona franga nga kamerat e shpejtësisë në Zvicër, siguri apo burim të ardhurash? Kamerat e shpejtësisë në Zvicër janë kthyer në burim të ardhurash miliona frangash për kantonet dhe...
-
Kamerat e shpejtësisë në Zvicër, nga kamuflimi me bar, te gjobat milionëshe
-
Zvicra nën reshje intensive, paralajmërime për përmbytje dhe rrëshqitje dheu në disa rajone
-
Zvicër: Atraksionet që mbartin më shumë sasi rreziku
-
Sondazhi: Ja çfarë e bën Zvicrën të veçantë