Futboll
Xhaka dëshiron trofeun e Ligës së Evropës
Granit Xhaka dhe Shkodran Mustafi kanë mundësi sonte të fitojnë një trofe evropian me Arsenalin
Sonte nga ora 21:00, do të zhvillohet finalja e Ligës së Evropës, mes skuadrave londineze, Chelsea dhe Arsenal. Kjo ndeshje do të zhvillohet në Baku të Azerbajxhanit.
Granit Xhaka dëshiron të fitojë këtë trofe, të parin evropian për Arsenalin, si dhe edicionin e ardhshëm të luajë në Ligën e Kampionëve, shkruan albinfo.ch.
“Ne duhet të jemi në Ligën e Kampionëve. Ne nuk kemi luajtur aty për dy vite, prandaj duhet të jemi patjetër sezonin e ardhshëm. Të gjithë: lojtarët, tifozët, klubi; duam të luajmë kundër rivalëve më të mirë. Dhe skuadrat më të mira janë në Ligën e Kampionëve. Ky trofe na mundëson shkuarjen në Ligën e Kampionëve. Do të ishte mirë të fitojmë për tifozët tanë”, deklaroi Xhaka.
Ky trofe është i rëndësishëm sidomos për tifozët. “Ne duam të bëjmë gjithçka për të marrë një trofe për tifozët, për ne. Chelsea dëshiron të fitojë në Ligën e Evropës”, është shprehur mesfushori shqiptar.
Ai foli edhe për trajnerin Unai Emery. “Nëse vini në një klub që është udhëhequr për 22 vjet nga një trajner, ju duhet të ndryshoni jo pak gjëra, por të mëdha dhe nuk është aq e lehtë. Nëse e shihni sezonin e tij të parë, ishte e mirë, sipas mendimit tim, dhe nëse mund të fitoni një trofe dhe të ktheheni në Ligën e Kampionëve, atëherë mendoj se është sezoni i përsosur. Nëse e shihni klubin, ne duhet të jemi në Ligën e Kampionëve”, deklaroi Xhaka.
Pjesë e Arsenalit është edhe Shkodran Mustafi. Gjithashtu edhe mbrojtësi shqiptar është shprehur se do të mundohen të fitojnë këtë trofe me ‘Topçinjtë’.
Të ngjashme
Të tjera nga Futboll
E-Diaspora
-
Gjenevë
Gjenevë: Ramë Dardania sjell ekspozitë më 14 qershor Ramë Dardania sot shpalos ekspozitën e tij në Festivalin FIFOG...
-
Mentor Latifi është emëruar ambasador i ri i Kosovës në Zvicër
-
Spanjë: Vlerësohet shfaqja “Ëndrrat e Hamletit” e Mentor Zyberajt
-
Kanada
Kanada: Tenori me famë botërore, Ramë Lahaj, sjell “Traviata” e Xhuzepe Verdit
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
Jeta në Zvicër
-
Mentor Latifi është emëruar ambasador i ri i Kosovës në Zvicër Presidentja e vendit, Vjosa Osmani, i ka uruar suksese në detyrën e tij, gjersa është shprehur...
-
Zvicër: Votimi i shtrenjtë për ligjin për furnizimin me energji elektrike
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit