UEFA detyrohen shtetet të luajnë ndaj Kosovës edhe nëse nuk e njohin Pavarësinë

Kosova do të vazhdojë të mos jetë në një grup në kualifikuese për arsye politike me ekipe se Serbia dhe Bosnja e Hercegovina

UEFA ka vendosur rregulla strikte ndaj vendeve që nuk e njohin Kosovën e për rrjedhojë nuk pranojnë të luajnë në vendin e tyre ndaj “Dardanëve”.

“Kjo politikë detyron të gjitha ekipet e tjera të pranojnë të luajnë kundër ekipeve kombëtare të Kosovës dhe klubeve qoftë në territorin e tyre apo në territorin e Kosovës”, është shprehur presidenti i UEFA-s, Aleksander Ceferin.

Ndërkohë që rregulli i ri trajton ndeshjet kualifikuese si në shtëpi dhe jashtë, ai nuk specifikon se çfarë ndodh nëse Kosova dhe Spanja do të kualifikohen në “Euro 2020”.

Kosova luan në play off-in e Ligën së Kombeve dhe nëse triumfon, do të kualifikohet direkt në “Euro 2020. 4 nga 12 vende që organizojnë takimet e Evropianit, Azerbajxhani, Rumania, Rusia dhe Spanja, nuk e njohin pavarësinë e Kosovës nga Serbia.

Refuzimi i Spanjës për të njohur flamurin dhe himnin e Kosovës e detyroi UEFA-n në shkurt të zhvendosë në Nyion të Zvicrës kualifikueset e U-17, që ishin programuar për t’u zhvilluar në Spanjë. Kjo pengesë nga Spanja theu premtimin që qeveria i bëri Komitetit Olimpik Ndërkombëtar, nëntorin e kaluar, për të respektuar të drejtat e atletëve nga Kosova, përcjell albinfo.ch.

UEFA sqaroi se politika e ndjekur nga Komiteti Ekzekutiv i saj do të lejojë vendet që nuk duan të presin Kosovën që të luajnë në një vend neutral.

Ukraina e bëri këtë me një ndeshje kualifikuese të Botërorit 2018, që u transferua në Poloni në tetor 2016. Kosova do të vazhdojë të mos jetë në një grup në kualifikuese për arsye sigurie me ekipe se Serbia dhe Bosnja e Hercegovina.

Kosova njihet nga të gjithë kundërshtarët e saj në grupin aktual të kualifikimit për Kampionatin Evropian: Bullgaria, Republika Çeke dhe Mali i Zi, si dhe Qeveria britanike për Anglinë.

Kosova është bërë anëtare e plotë e UEFA-s në vitin 2016.

---