Në Zvicër do të mbahet Festa e Abetares shqipe

LAPSH / Kantoni i Bernes

Me rastin e përfundimit të vitit shkollor 2018/19, edhe në Zvicër do të mbahet Festa e Abetares, përcjell albinfo.ch.

Gjatë këtij programi do të ketë lojë me ngjyra, këngë kori, valle shqiptare e të tjera.

Organizuar nga Lidhja e Arsimtarëve dhe Prindërve Shqiptarë “Naim Frashëri”, kjo ngjarje do të mbahet më 22 qershor, me fillim nga ora 18:00, adresa: Denigkofenweg 169 3072 Ostermundigen.

“Të nderuar prindër dhe familjarë, me rastin e përfundimit të vitit shkollor 2018/19, LAPSH, kantoni Bern, organizon Festën e Abetares. Andaj, ejani ta festojmë së bashku këtë aktivitet të rëndësishëm në gjuhën tonë të bukur shqipe”, thuhet në njoftimin e tyre.

Gjatë festës do të shtrohet edhe një darkë me ushqime tradicionale shqiptare, kurse hyrja do të jetë falas për të gjithë.