Mali i zi, gati për Kosovën

Sulmuesi i Përfaqësueses së Malit të Zi, Aleksander Boljeviç, është shprehur optimist para ndeshjes me Kosovën, transmeton albinfo.ch.
Boljeviç, që luan në kampionatin belg, ka paralajmëruar bashkëlojtarët e tij për të pasur kujdes, duke e konsideruar ekipin e Kosovës si shumë të rrezikshëm.
“Ata kanë një skuadër të fortë. E dimë që do të jetë e vështirë, por besoj se do të dalim fitues nga kjo ndeshje. Nuk kemi presion, do të luajmë pa tifozë, por shpresoj që ky fakt të na motivojë edhe më shumë”, deklaroi Boljeviq.
Ndeshja ndërmjet Malit të Zi dhe Kosovës zhvillohet të premten nga ora 20:45, kurse pas tri ditëve kosovarët udhëtojnë drejt Bullgarisë për ndeshjen e tretë kualifikuese në kuadër të Grupit A.