Jepet premiera e dokumentarit “Ice on Fire”

Në Los Anxhelos është mbajtur premiera e dokumentarit kushtuar ndryshimeve klimatike, “Ice On Fire”.

Aktori dhe aktivisti mjedisor, Leonardo DiCaprio, ka marrë pjesë në premierën e dokumentarit kushtuar ndryshimeve klimatike.

Sipas kanalit HBO, dokumentari shfaq inovacionet që synojnë reduktimin e karbonit në atmosferë, të cilat mund të hapin rrugën për një reduktim të rritjes globale të temperaturës dhe një përfitim për sistemet jetësore të planetit. DiCaprio në premierë ishte me babanë e tij, George DiCaprio, i cili shërbeu si producent ekzekutiv dhe regjisoren Leila Conners.

Yjet e tjerë që shkëlqyen në qilimin e kuq të premierës përfshinin aktorët Minnie Driver, Scott Eastwood dhe këngëtarin Tyrese Gibson.
“Ice On Fire” debuton më 11 qershor në HBO.