Laptopi, me viruse të rrezikshme, shitet për më shumë se 1 milion euro

Ndërsa shumica e njerëzve luten që kompjuteri i tyre të mos marrë ndonjë virus, një kompjuter portativ, i infektuar me disa nga viruset më të rrezikshëm kompjuterike, është vënë në shitje me një çmim goxha të lartë.  

Sipas mediave të huaja, bëhet fjalë për kompjuterin, i cili është vënë në ankand dhe çmimi i tij fillestar është 1.2 milion dollarë (pak më shumë se 1 milion euro). 

Bëhet fjalë për modelin NC10 të Samsung nga viti 2008, me sistemin operativ Windows XP SP3.  

Ky laptop thuhet të ketë gjashtë viruse të rrezikshme që besohet të kenë shkaktuar dëme prej 95 miliardë dollarësh gjatë dy dekadave të fundit.