Shqipëria
Shqipëri: Situata politike po detyron 71.1% të të rinjve të emigrojnë
Një sondazh kombëtar i Qendrës Qytetare, në bashkëpunim me “Westminster Foundation for Democracy”, rreth qëndrimit të të rinjve mbi politikën, zbulon se ashtu siç pritej, shumica e të rinjve janë të pakënaqur me situatën politike: vetëm 2.7% e të anketuarve janë të kënaqur me situatën politike.
Në sondazh u pyetën 1200 të rinj në gjithë Shqipërinë, në 61 bashkitë e vendit, nëpërmjet ekipeve dhe bashkëpunëtorëve lokalë për të kuptuar qëndrimin e të rinjve mbi politikën.
Të rinjtë shprehen në shumicë dërrmuese se bojkoti nuk është forma e duhur për të zgjidhur problemet parlamentare (vetëm 18% besojnë të kundërtën), ndërsa 48.8% nuk kanë besim te Parlamenti si organ ligjvënës kryesor për politika të përgjegjshme.
Gjithsesi vetëm 12.6% janë të interesuar për politikën. Në zgjedhjet e ardhshme 53.4% e të rinjve janë të gatshëm të votojnë. Ndërkohë vetëm 2.2 e të rinjve besojnë plotësisht te partitë politike, pavarësisht se 9.3% e të anketuarve kanë qenë aktivistë dhe 10.8% e të anketuarve kanë qenë anëtarë të partive politike, shkruan tch, përcjell albinfo.ch.
Sondazhi u përgjigjet edhe disa sfidave që kanë të rinjtë sot. 43.7% do të dëshironin të punonin si të vetëpunësuar, 29.9% në administratën publike dhe 26.45% në sektorin privat.
65% e të anketuarve e shohin politikën si burim pune, karriere dhe promovimi. 71.1% e të anketuarve mendojnë të emigrojnë në një kohë të shkurtër, shumica në Europën Perëndimore.
29.7% e të anketuarve mendojnë se problemi kryesor që ka Shqipëria sot është korrupsioni, që është renditur edhe sfida nr.1 për nga përqindja.
Të ngjashme
Të tjera nga Shqipëria
E-Diaspora
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë Kryeministri Edi Rama ka kujtuar sërish bashkatdhetarët në Greqi se më 12 maj do të jetë...
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
-
Gjermani
Mynih: Një recital i shkëlqyeshëm për piano nga Kosti Deti
Jeta në Zvicër
-
Operacioni Pandora: Qendrat e thirrjeve mashtruan edhe në Zvicër Falë hetimeve të Europolit, dymbëdhjetë qendra të thirrjeve kriminale u shkatërruan. Mashtruesit ishin aktivë edhe në...
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen