Franca kthen 50 shqiptarë, të cilëve iu refuzua azili

Policia shqiptare dhe ajo franceze, në një aksion të përbashkët, kanë kthyer pesëdhjetë shtetas shqiptarë, të cilëve Franca ua kishte refuzuar azilin,transmeton albinfo.ch.
Ministria e Brendshme e Shqipërisë thotë se ky operacion kishte një veçanti, pasi u kthyen familjarë me të mitur dhe të gjithë të riatdhesuarit janë azilkërkues në Francë.
Zv.ministria e Brendshme, Rovena Voda, në një prononcim për media në aeroportin e Tiranës ka deklaruar se çdo përpjekje për kërkim azili është e kotë.
Sipas saj, Shqipëria është në listën e vendeve të sigurta dhe ka bërë thirrje për të mos ndërmarrë asnjë hap në këtë drejtim, por të kërkojnë rrugë ligjore për t’u punësuar në vendet e BE-së.
Ndërsa Drejtori i Departamentit për Kufirin dhe Migracionin në Policinë e Shtetit, Eduart Merkaj, ka thënë se fluturimet me qytetarë të riatdhesuar janë rritur kohëve të fundit.