Ekonomi
BB ndihmon Kosovën me një hua prej 15.3 milionë dollarësh
Banka Botërore ka ofruar një hua prej 15.3 milionë dollarësh, për të përmirësuar, sic kanë njoftuar nga BB, konkurrencën e eksporteve dhe produktivitetit në Kosovë, përcjell albinfo.ch.
Përmes kësaj huaje, ndër të tjerash, parashihet të zvogëlohet kostoja e firmave për testimin e produkteve.
“Projekti i Konkurrencës dhe Gatishmërisë për Eksport në Kosovë, i miratuar sot, do të ndihmojë si firmat, ashtu edhe konsumatorët në vend, duke mbështetur certifikimin e produkteve për tregjet e eksportit, të tilla si Bashkimi Evropian, duke forcuar kapacitetin e firmave të orientuara kah eksporti dhe duke ulur koston e inspektimeve të biznesit”, thuhet në njoftim.
BB po ashtu ka bërë të ditur se këto firma, që përfshijnë rreth 1500 eksportues, do të përfitojnë nga kostot më të ulëta për këto shërbime, ndërsa 150 firma të tjera do të marrin grante përputhëse për t’i ndihmuar ato në marrjen e certifikatave dhe realizimin e standardeve të produkteve, si dhe në shfrytëzimin e shërbimeve për zhvillim të biznesit.
Sipas tyre, këto iniciativa janë dizajnuar ashtu që nga ato të përfitojnë drejtpërdrejt konsumatorët në Kosovë, të cilët do të fitojnë mbrojtje të shtuar nga produktet e cilësisë së ulët.
“Duke pasur parasysh tregun e saj të vogël vendor, rritja e konkurrencës së eksportit është e domosdoshme për rritje dhe krijim të vendeve të punës në Kosovë. “Banka Botërore me kënaqësi mbështetë forcimin e shërbimeve të certifikimit të cilësisë së produkteve për firmat dhe thjeshtimin e sistemit të inspektimit të biznesit”, citohet të ketë thënë Marco Mantovanelli, Drejtor i Bankës Botërore për Kosovë.
Po ashtu, synohet të rritet edhe eksporti.
“Projekti është dizajnuar për të ndihmuar arritjen e njohjes ndërkombëtare për cilësinë e produkteve të Kosovës dhe për të mbështetur dhe theksuar gatishmërinë për eksport të bizneseve në vend”, tha Paulo Guilherme Correa, Menaxher për Sektorin e Tregtisë dhe Konkurrencës për rajonin e Evropës dhe Azisë Qendrore.
Huaja është një kredi nga Shoqata Ndërkombëtare për Zhvillim (IDA) e Grupit të Bankës Botërore, që është një fond për vendet me nevojat më të mëdha për zhvillim. Kreditë e IDA-s jepen me kushte koncesionare me interes zero ose shumë të ulët dhe periudha të gjata të kthimit. Afati i maturimit të huas është 25 vjet, duke përfshirë një grejs periudhë 5-vjeçare. Projekti do të zbatohet nga Ministria e Tregtisë dhe Industrisë së Kosovës, gjatë një periudhe prej pesë vjetësh.
Të ngjashme
Të tjera nga Ekonomi
E-Diaspora
-
Jehon kënga e vallja shqipe në sheshin e qytetit Thun Në sheshin kryesor të qytetit Thun, Kantoni i Bernës në një organizim festiv, shumë njerëz kalimtarë...
-
Shqipëri: A do të mundësohet vota e emigrantëve në zgjedhjet 2025?
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
Jeta në Zvicër
-
Jehon kënga e vallja shqipe në sheshin e qytetit Thun Në sheshin kryesor të qytetit Thun, Kantoni i Bernës në një organizim festiv, shumë njerëz kalimtarë...
-
Bashkëpunimi Zvicër-Kosovë, diskutojnë Rafuna e Fetahi
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023