Shqipëria

Rama kundër Metës, thotë se zgjedhjet mbahen më 30 qershor

E enjte, 27 Qershor 2019 - 17:00 albinfo.ch

Kryeministri i Shqipërisë, Edi Rama, ka reaguar pas shpalljes së datës së re për zgjedhjet lokale nga Presidenti Ilir Meta.
Rama ka thënë se zgjedhjet do të mbahen më 30 qershor, ndërsa vendimin e Metës për datën e re e quan “çmenduri të radhës”, transmeton albinfo.ch.
“A ju thashë, prisni çmendurinë e dytë? Tani, thjesht, mëshirojeni. Data e nxjerrë nga filxhani i revolucionit imagjinar është një NULLUM ABSOLUTUM. 30 qershori është e vetmja datë zgjedhjesh”, ka shkruar kryeministri Rama.
Edhe Kolegji Zgjedhor ka thënë se dekreti i Presidentit për rastin e anulimit të zgjedhjeve të 30 qershorit është i pavlefshëm.