Gazeta zvicerane: Mos e ngatërroni “Alba-Festival” me “Albani Fest”

Sot dhe nesër, në Hardturm Areal të Cyrihut mbahet “Alba-Festival” që është festivali më i madh Open Air me muzikë shqiptare, i  organizuar ndonjëherë në Evropë. Të njëjtën fundjavë është edhe “Albani Fest”, që sipas organizatorëve është festa më e madhe popullore qytetëse që mbahet për çdo vit, gjithmonë në këtë kohë. Theksohet se është më e madhja festë që mbahet për çdo vit, pasi që ka edhe festa më të mëdha, si ajo e Cyrihut, por që mbahen një herë në katër vite, shkruan albinfo.ch.

Sidoqoftë, siç shkruan gazeta e Winterthurit “Landbote”, emrat e ngjashëm “Alba-Festival” dhe “Albani Fest” bashkë me kohën e njëjtë kur mbahen, mund të shkaktojnë konfuzion te publiku. Kështu, Winterthurit po i vjen “konkurrenca” nga Cyrihu, shkruan në kufi të shakasë, gazeta Landbote.

Pasi përkujton se në Alba-Festival marrin pjesë edhe yje si Rita Ora, Dhurata Dora, MC Kresha, gazeta flet edhe për ofertën kulinarike të Alba-Festivalit, bën ca krahasime ironizuese pnë mes të dy evenimenteve etj.

“Albani Fest” në Winterthur mbahet nga viti 1971 dhe lidhet me St. Albanin, njëri nga tre të shenjtit e këtij qyteti. St. ALbani ka qenüë nga Anglia dhe, rrjedhimisht, çdo ngjashmëri e emrit të tij me emrin Alban që përdoret për shqiptarët, është e rastësishme.