Gjermania me qershorin më të nxehtë ndonjëherë

(KEYSTONE/Urs Flueeler)

Gjermania përjetoi temperatura më shumë se katër gradë më të larta në qershor në historinë e saj. 

Shërbimi Meteorologjik i Gjermanisë i bazuar në Offenbach afër Frankfurtit bëri të ditur se, temperaturat e qershorit në vendin më të populluar të BE-së mesatarisht ishin 19.8 gradë Celsius. 

“Kjo ishte 4.4 gradë më e lartë se mesatarja gjatë periudhës referuese të njohur ndërkombëtarisht prej 1961 deri në 1990”, thuhet në një deklaratë. 

Krahasuar me periudhën më të ngrohtë të vitit 1981 deri në vitin 2010, qershori I 2019 ishte 4.0 gradë më i ngrohtë, përcjell albinfo.ch. 

“Temperaturat e vazhdueshme verore, të cilat arrinin nivelet e mesit në fund të muajit, ishin 0.4 gradë më të larta se rekordet e mëparshme më 2003 për qershorin më të ngrohtë, që nga fillimi i mbajtjes së të dhënave në vitin 1881”. 

Evropa po përfshihet në një valë të nxehtë të verës së hershme, që ka shkaktuar tashmë disa vdekje në të gjithë kontinentin, kryesisht mes të moshuarve.