Nesër sërish protestë në Shqipëri, policia vendos masat

Keystone EPA/MALTON DIBRA

Nesër është thirrur protesta e radhës e opozitës në Shqipëri.

Policia e Shtetit ka marrë masa pranë institucioneve për të ndaluar protestuesit që të kryejnë akte, të cilat mund të jenë të dënueshme.

Sipas mediave shqiptare, pranë Kryeministrisë janë vendosur projektorë të rinj, të cilët do t’u mundësojnë policisë ndriçim të mjaftueshëm.

Gjithashtu kamerat e sigurisë janë pastruar në mënyrë që të bëhet dokumentimi i protestës së opozitës.

Para Ministrisë së Brendshme të Shqipërisë është vendosur edhe gardhi metalik, në të cilën do të vendosen edhe policia.

Thuajse të njëjtat masa janë vendosur edhe para Kuvendit të Shqipërisë si dhe institucioneve të tjera, shkruan Albinfo.ch.

Sipas raportimeve të mediave në Shqipëri, në protestën e nesërme pritet të angazhohen deri në 1 mijë e 500 policë, por do të jetë të angazhuar edhe forcat e rendit e ata të ndërhyrjes së shpejtë.