Maqedonia pranohet në Organizatën ndërkombëtare për migracion

Maqedonia është pranuar si vendi anëtar i plotfuqishëm i 156-të në Organizatën ndërkombëtare për migracion.

Një vendim i tillë është marrë në takimin e 104-t të jashtëzakonshëm të Këshillit të Organizatës ndërkombëtare për migracion që u mbajt në Gjenevë.

Siç është theksuar në njoftim të Ministrisë së Punëve të Jashtme të Maqedonisë, vendimi i këtillë është marrë pas kërkesës së dorëzuar për anëtarësim, të adresuar te drejtori i përgjithshëm i Organizatës ndërkombëtare për migracione, Uiliam Lesi Suing.

Në emër të Qeverisë së Maqedonisë pati fjalim drejtori për marrëdhënie multilaterale në MPJ, ambasadori Igor Xhundev, i cili e përshëndeti bashkëpunimin e deritanishëm të mirë me Organizatën dhe e nënvizoi mbështetjen e vazhdueshme të aktiviteteve të Organizatës ndërkombëtare për migracione në Republikën e Maqedonisë, posaçërisht për qëllimet primare të Organizatës, e cila në partneritet me Qeverinë, partnerët kombëtarë dhe ndërkombëtarë tërësisht është e përkushtuar drejt implementimit dhe përforcimit të standardeve në të gjitha çështjet që kanë të bëjnë me migracionin.